काठमाडौं । हाल नेपालमा ८ राष्ट्रियस्तरका विकास बैंक रहेका छन् भने ती सबैले गत आर्थिक वर्ष ७८/७९ को चौथो त्रैमासको वित्तीय विवरण प्रकाशन गरेका छन् । राष्ट्रियस्तरका विकास बैंक मध्ये वितरणयोग्य मुनाफाको आधारमा मुक्तिनाथ विकास बैंक अघि छ भने प्रति शेयर वितरणयोग्य मुनाफाको आधारमा गरिमा विकास बैंक अघि छ ।
मुक्तिनाथ विकास बैंकको वितरणयोग्य मुनाफा सर्वाधिक ८१ करोड ५९ लाख रहेको छ । त्यस्तै दोश्रोमा गरिमा विकास बैंकको वितरणयोग्य मुनाफा ७५ करोड २ लाख रहेको छ ।
प्रति शेयर वितरणयोग्य मुनाफाको आधारमा भने गरिमा विकास बैंक अघि छ । बैंकको प्रति शेयर वितरणयोग्य मुनाफा १६ रुपैयाँ ३८ पैसा हुँदा महालक्ष्मी विकास बैंकको १४ रुपैयाँ ६१ पैसा छ । तेश्रोमा लुम्बिनी विकास बैंकको १४ रुपैयाँ ५९ पैसा हुँदा चौथोमा मुक्तिनाथ विकास बैंकको १४ रुपैयाँ ४२ पैसा देखिन्छ ।
नोट : उपलब्ध तथ्यांक कम्पनीले प्रकाशित गरेको वित्तीय विवरणबाट तयार गरिएको हो , यो विष्लेषण पूर्ण होइन लगानीकर्ताले कारोवारको निर्णय लिनु अघि थप अनुसन्धान गर्नुपर्ने छ ।
