काठमाडौं । प्रुडेक्सियल क्यापिटल म्यानेजमेन्ट कम्पनीले २ लाख १ हजार ८२० कित्ता र गणेश प्रोपर्टिज एण्ड इन्भेष्टमेन्ट कम्पनीले ७५ हजार कित्ता संस्थापक शेयर विक्री गर्ने भएका छन् ।
उक्त संस्थापक शेयरमा कम्पनीका विद्यमान संस्थापकहरु वा जो कोही व्यक्ति, कम्पनी, संघ संस्थाहरुले साउन २५ गतेसम्म एनआईसी एशिया क्यापिटल लिमिटेड, बबरमहल, काठमाडौंमा गोप्य शिलबन्दी बोलपत्र आवेदन फारम बुझाउन सक्नेछन् ।
इच्छुक आवेदकले १ सय रुपैयाँ अंकित दरको न्युनतम ३५० कित्तादेखि अधिकतम ५ हजार कित्तासम्मका लागि आवेदन दिन सक्नेछन् ।
