काठमाडौं । फेडेरल रिइन्स्योरेन्स ब्रोकर्स कम्पनी लिमिटेडको वार्षिक साधारणसभा भदौ १० गते हुने भएको छ । सभाले गत आर्थिक वर्षको नाफा, नोक्सान, हिसाब नगद प्रवाह लगायतका विषयमा छलफल गरी पारित गर्नेछ ।
कम्पनीको साउन ११ गते बसेको सञ्चालक समितिको निर्णय अनुसार सभाको मिति तय भएको हो । सभा कम्पनीको रजिष्टर्ड कार्यालय, नक्साल काठमाडौंमा बिहान १० बजे हुने कम्पनीले जनाएको छ ।
सभामा कम्पनीले हकप्रद शेयर निष्काशन गर्ने मुख्य एजेण्डा अनुमोदन गर्नेछ । त्यस्तै, सभाले आइपीओ निष्काशन गर्ने, कम्पनी गाभ्ने गाभिने तथा आर्थिक वर्ष २०७९/८० का लागि लेखापरिक्षण नियुक्त गर्ने प्रस्ताव पारित गर्नुका साथै अन्य छलफलहरु पारित गर्नेछ ।
