काठमाडौं । लगानीकर्ताले नाफा बुक गर्दा सोमबार दोस्रो बजारमा तिव्र उतारचढाव भएको छ । हिजो आइतबार पनि यस्तै भएको थियो । आज कारोबार खुल्ने वित्तीकै घट्न थालेको शेयर बजार २० अंकसम्मले घट्यो तर तत्काल बाउन्स व्याक हुँदै शेयर बजारमा २० अंक भन्दा माथिकै सुधार देखियो । तर यो टिक्न सकेन । अन्तिममा घटिसकेको नेप्से सूचक १.०१ अंकको सुधार सहित २१९३.५८ अंकमा बन्द भएको छ ।
ठुला लगानीकर्ताले नाफा बुक गर्न क्रम जारी छ । लगानीकर्तामा कन्फिडेन्स जगाइराख्न अन्तिम समयमा ठुला लगानीकर्ताको जोडबलमा हरियो बनाइएको छ । साउनको प्रारम्भिक अवस्थामै बैंकिङ प्रणालीबाट निक्षेप बाहिरिए पछि लगानीकर्ताहरु आत्तीएका हुन् । अहिले नै तरलता अभावको संकेत देखिए पछि लगानीकर्ताहरु नाफा बुक गरेर बसेका हुन् ।
अहिले नाफा बुक गर्दा यदि भोलिका दिनमा बजारमा पुनः प्रवेश गर्ने अन्यथा बजारबाट बाहिरिने दाउमा रहेका चलाख लगानीकर्ताका कारण आज दोस्रो बजारमा तिव्र उतारचढाव देखियो । जसले गर्दा आज सर्वाधिक धेरै कारोबार भयो । जहाँ स्मार्ट तथा ठुला लगानीकर्ताले बजार अलि अलि बढाउदै बेच्दै गरेको देखिन्छ । सोमबार दोस्रो बजारमा ४ अर्ब ६७ करोड रुपैयाँको कारोबार भएको छ । आज बैंकिङ व्यापार हाइड्रो उत्पादन तथा प्रशोधन र इन्भेष्टमेन्टको सूचकमा सुधार आए पनि बाँकी सूचकमा गिरावट आएको छ । हिजो बीमा कम्पनीले शेयर बजार सुधार गरिएको थियो । तर हिजो बीमाको सुधारले आज निरन्तरता पाउन सकेन ।
अर्थमन्त्री र गभर्नरको विवाद पनि लगभग अन्त्य भएको छ । तर गभर्नर महाप्रसाद अधिकारी र अर्थमन्त्री जनार्दन शर्माको व्यक्तिगत सम्बन्ध भने सुधारिएको छैन । यसले गर्दा अव चुनाव नहुन्जेल दुबैको नराम्रो सम्बन्धको असर अर्थतन्त्रले बेहोर्नु पर्ने भएको छ ।
