काठमाडौं । दिव्यश्वरी हाइड्रोपावर लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। गत असार मसान्तसम्ममा कम्पनीले १ करोड ७३ लाख रुपैयाँ नोक्सानी व्यहोरेको छ। अघिल्लो आर्थिक वर्षको सोही अवधिसम्ममा कम्पनीले ३ करोड ३ लाख रुपैयाँ नोक्सानी व्यहोरेको थियो।
यस अवधिसम्ममा कम्पनीको विद्युत बिक्री आम्दानी २८ दशमलव २३ प्रतिशत बढेर ८ करोड ९९ लाख रुपैयाँ पुगेको छ। त्यसैगरी, कम्पनीको कुल आम्दानी १२ दशमलव ५२ प्रतिशत बढेको छ भने कुल नाफा १३ दशमलव ९२ प्रतिशत बढेको छ।
असार मसान्तसम्ममा २६ करोड ४० लाख रुपैयाँ चुक्ता पूँजी रहेको यस कम्पनीको जगेडा कोष भने २२ करोड २७ लाख रुपैयाँ ऋणात्मक रहेको छ।
यस अवधिसम्ममा कम्पनीको प्रतिशेयर आम्दानी ६ रुपैयाँ ५८ पैसा ऋणात्मक रहेको छ भने प्रतिशेयर नेटवर्थ १५ रुपैयाँ ६१ पैसा रहेको छ।
