काठमाडौं । शेयर बजार भारी अंकले गिरावट आउदा पनि शिवम सिमेन्टको शेयर आज पनि सर्वाधिक धेरै १९ करोड ३६ लाख रुपैयाँको खरिद बिक्री भएको छ । त्यस्तै दोस्रो धेरै कारोबार हुनेमा अरुण कावेली रहेको छ । यसको पनि १५ करोड ५७ लाख रुपैयाँको कारोबार भएको छ । तेस्रो धेरै कारोबार हुनेमा अरुण भ्याली हाइड्रोपावरको १० करोड २४ लाख रुपैयाँको भएको छ ।
हिमालयन डिष्ट्रलरीको ९ करोड ८० लाख रुपैयाँको खरिद बिक्री भएको छ । त्यस्तै राधीको पनि ८ करोड, यनाइटेड मोदी को ८ करोड, लाइफ इन्स्योरेन्स कर्पोरेसनको ७ करोड ९९ लाख, नेपाल पुनर्बीमाको ७ करोड ६५ लाख, गोर्खाज फाइनान्सको ७ करोड ६३ लाख र अपि पावरको ७ करोड ५३ लाख रुपैयाँको खरिद बिक्री भएको छ ।