हिमालय उर्जा विकास कम्पनीले १४ लाख ८५ हजार कित्ता साधारण (आईपीओ) सेयर बिक्री गर्ने भएको छ ।कम्पनीले सर्वसाधरणलाई चैत २० गते देखि आईपीओ बिक्रि गर्ने भएको छ ।
जसमध्ये ४४ हजार ५५० कित्ता सेयर कर्मचारीलाई र ७४ हजार २५० कित्ता सामूहिक लागनी कोषलाई छुट्याएको छ भने बाँकी रहेको सेयरमा सर्वसाधारणले आवेदन दिन पाउने छन् ।
कम्पनीले न्यूनतम ५० कित्तादेखि अधिकतम ६ हजार पाँच सय कित्तासम्म आवेदन दिन सकिने जनाएको छ । उक्त सेयरमा चैत २५ गतेसम्म आवेदन दिन सकिने छ । त्यो समयमा सेयर नबिकेको खण्डमा वैशाख १९ गतेसम्म आवेदन दिन पाइने कम्पनीले जनाएको छ ।
कम्पनीको बिक्री प्रबन्धकको नबिल इन्भेष्टमेन्ट बैंकिङ लिमिटेड रहेको छ । कम्पनीले आयोजना प्रभावित स्थानीयलाई ९ लाख ९० हजार कित्ता सेयर बिक्री गरेको थियो ।
। हिमालयन उर्जाको पुस मसान्तसम्म प्रतिसेयर नेटवर्थ ९८.४९ रुपैयाँ रहको छ । आर्थिक वर्ष २०७६।७७ मा प्रतिसेयर नेटवर्थ ११३ रुपैयाँ ४३ पैसा पुग्ने प्रक्षेपण रहेको छ । चालु आर्थिक वर्षको अन्त्यसम्म सञ्चित नोक्सान २ करोड १ लाख रुपैयाँ पुग्ने अनुमान छ ।
