काठमाडौं । ग्लोबल आइएमई म्युचुअल फण्ड अन्तर्गत सञ्चालित ग्लोबल आइएमई ब्यालेन्स्ड फण्ड – १ को १२ करोड इकाई विक्री खुला भएको छ । फण्डले प्रतिइकाई १० रुपैयाँ अंकित मूल्यमा १ अर्ब २० करोड बराबरको १२ करोड इकाई विक्री खुला गरेको हो ।
कुल विक्री भएको इकाईको १५ प्रतिशत इकाईमध्ये योजना व्यवस्थापक कम्पनी ग्लोबल आइएमई क्यापिटललाई १ दशमलव ५० प्रतिशत अर्थात् १८ लाख इकाई तथा कोष प्रबन्धकलाई १३ दशमलव ५० प्रतिशत वा १ करोड ६२ लाख इकाई सुरक्षित गरी बाँकी रहेको १० करोड २० लाख इकाई सर्वसाधारणमा विक्री गरिने छ ।
उक्त इकाईमा छिटोमा असार २६ गतेसम्म आवेदन दिन सकिनेछ । सो समय अवधिमा माग बमोजिम आवेदन नपरेमा साउन ४ गतेसम्म इकाईमा आवेदन दिन सकिने छ । आवेदकले १०० इकाईदेखि २० लाख इकाईसम्मका लागि आवेदन दिन सक्नेछन् । धितोपत्र निष्काशन तथा विक्री प्रबन्धकमा ग्लोबल आइएमई क्यापिटल रहेको छ ।
लगानीकर्ताहरुले विक्री प्रबन्धकसँगै सी–आस्बा सेवामा सहभागी सम्पूर्ण बैंक तथा वित्तीय संस्था र तीनका शाखा कार्यालयबाट आवेदन दिन सक्नेछन् । साथै मेरो शेयर वेबसाइट र मेरो शेयर एपबाट पनि यस इकाई खरीदका लागि आवेदन दिन सकिनेछ ।
