काठमाडौं । पूँजी बजारको सुधारका लागि १९ बुँदे माग राख्दै विगत १२ औ दिनदेखि आमरण असन बसेका शेयर लगानीकर्ता तिलक कोईरालाले अनसन तोडेका छन् । नेपाल धितोपत्र बोर्डका अध्यक्ष रमेश हमालले जुस खुवाएर कोईरालाको अनसन तोडाएका हुन् ।
कोईरालाले नेपाल धितोपत्र बोर्ड सँग १९ बुँदे माग पुरा गर्ने सहमतिपत्रमा हस्ताक्षर गरे सँगै अनसन तोडेका हुन् । कोईरालाको माग र नेपाल धितोपत्र बोर्डको माग एउटै भएकाले आगामी दिनमा माग पुरा गर्ने सहमतिपत्रमा हस्तारक्ष भएको अध्यक्ष हमालले जानकारी दिए । उनले भने ‘भोलि शनिवार भयो अव आइतबारदेखि माग कार्यान्वयन समितिले कामहरु अगाडी बढाउनेछ ।’
कोईरालाले अगाडी सारेका यि कामहरु बाहेक अन्य कामहरुका लागि पनि सहकार्य गरेर अगाडी बढ्ने भन्दै अध्यक्ष हमालले प्रतिवद्धता व्यक्त गरेका छन् । नेपाल राष्ट्र बैंक सँग समन्वय गर्ने कार्यहरु अगाडी बढाइरहेको समेत उनले बताए । आवस्यक परेमा बजार उकास्नका लागि आवस्यक परेमा सरकार सँग पनि समन्वय गर्ने उनले प्रतिवद्धता व्यक्त गरेका छन् ।
नेपालको पूँजी बजारलाई राम्रो बनाउने १९ बुँदे मागहरु राखेर आमरण अनसन पछि यि मागहरु अगाडी बढाउन बोर्ड सँग सहमति भएको अनसनकर्ता कोईरालाले बताए । यो नेपालका सबै लगानीकर्ताको जित भएको उनले बताएका छन् । यस पछि अव लगानीकर्ताहरुले कहिले पनि आन्दोलन गर्न नपर्ने उनले जनाएका छन् । उनले अनसनका क्रममा साथ र सहयोग दिने सम्पुर्णलाई धन्यवाद व्यक्त गरेका छन् ।
कोइराला असार १ गतेदेखि आमरण अनसन बस्दै आएका थिए । कोईरालाको मागलाई विभिन्न वरिष्ठ नेताहरुले एक्यवद्धता तथा प्रतिवद्धता व्यक्त गरेका थिए । उनको माग पुरा गराउन सबैले चौतर्फी दवाव दिए पछि नेपाल धितोपत्र बोर्ड, नेपाल राष्ट्र बैंक र नेपाल सरकार तयार भएको छ । उनका माग पुरा गर्नका लागि एक उच्चस्तरिय समिति बनेको छ । यहि समिति मार्फत कोईरालाको माग पुरा गर्ने सहमति पनि भएको छ । आजैको मितिदेखि आन्दोलका कार्यक्रमहरु अन्त्य भएको कोईरालाले घोषणा समेत गरेका छन् ।
