काठमाडौं । रिलायबल नेपाल लाइफ इन्स्योरेन्स कम्पनीका प्रमुख कार्यकारी अधिकृत नारायण बाबु लोहनीले वार्षिक ७४ लाख ९१ हजार ५७९ रुपैयाँ तलब भत्ता बुझेका छन् । लोहनीले अघिल्लो आर्थिक वर्ष २०७६/७७ मा लोहनीले यसका अतिरिक्त जीवन बीमा, मोटर तथा टेलिफोन सुविधा प्राप्त गरेका छन् । यस भन्दा अघिल्लो आर्थिक वर्षमा लोहनीले ६७ लाख ३० हजार रुपैयाँ बुझेका थिए ।
यस आर्थिक वर्षमा सञ्चालक समितिका अध्यक्ष तथा सदश्यहरुले बैठक भत्ता बापत ६ लाख १५ हजार रुपैयाँ प्राप्त गरेका छन् । उनिहरुलाई यातायात तथा सञ्चार लगायतको खर्च बापत ६ लाख ७८ हजार रुपैयाँ भुक्तानी गरिएको छ ।
कम्पनीले आज चौथो वार्षिक साधारणसभा सम्पन्न गरेको छ । सभाले ५ जना सञ्चालकको निर्वाचन गरेको छ ।
