काठमाडौं । प्राइम कमर्सियल बैंकले आफ्ना शेयरधनीलाई पुरानो नगद लाभांश लिन आग्रह गरेको छ । कम्पनीले पाँच वर्ष पुरानो नगद लाभांश हालसम्म पनि शेयरधनीले नलिएकाले लिन आग्रह गरेको हो ।
नगद लाभांश लिन बाँकी शेयरधनीले असार मसान्तभित्र सिभिल क्यापिटल मार्केट लिमिटेड सुन्धारा, काठमाडौंमा सक्कल नागरिकतासहित सम्पर्क गरी लिन भनेको छ ।
बैंकले तोकेको यस समय अवधिमा भित्र नगद लाभांश नलिएमा नेपाल सरकारले स्थापना गरेको लगानीकर्ता संरक्षण कोषमा जम्मा हुने यसै सुचनामा उल्लेख गरेको छ ।
