काठमाडौं । प्रभु लाईफ इन्स्योरेन्स कम्पनीले व्यतीत भएका बीमालेख पुनर्जागरण गराउने बीमितलाई लाग्ने ब्याजमा छुट प्रदान गर्ने भएको छ ।
कम्पनीले जेठ १६ देखि असार ३२ भित्र पुनर्जागरण गराउने बीमितलाई लाग्ने ब्याजमा शत प्रतिशत छुट प्रदान गर्ने जनाएको छ । बीमा समितिबाट जारी जीवन बीमालेख सम्बन्धी निर्देशिका,२०७८ को अधिनमा रहि तोकिएको मितिभित्र ब्यतीत बीमालेख पुनर्जागरण गराउन कम्पनीले बीमितहरुलाई आग्रह गरिएको हो ।
कम्पनीले ब्याज छुटन गर्ने प्रयोजनका लागि दुई वर्ष अगाडीदेखि ब्यतीत भएका बीमालेखहरुलाई मात्र समावेश गरिने जनाएको छ । साथै यस्तो छुट बीमा अवधिभरी एक पटक मात्र प्रदान गरिने कम्पनीले जनाएको ।
