काठमाडौं । बैंक अफ काठमाण्डूका ग्राहकले होटेल एशियातिकमा विशेष छूट पाउने भएका छन् । बैंक र होटेलबीच सो सम्बन्धी सम्झौता भएसँगै ग्राहकले छूट पाउने भएका हुन् ।
बैंकको डेबिट कार्ड र क्रेडिट कार्ड, पीओएस तथा मोबाइल बैंकिङबाट क्यूआर कोड स्क्यान गरी भुक्तानी गरेमा ग्राहकले छूट पाउने सम्झौतामा उल्लेख छ । यसरी डिजिटल भुक्तानी गर्दा २० प्रतिशतसम्म छूट दिइने बैंकले बताएको छ । होटेल एशियातिक एयरपोर्ट रोड विराटनगरमा रहेको छ ।
बीओकेले हाल ९७ शाखा, ८७ एटीएम र १० एक्स्टेन्सन काउन्टरबाट सेवा प्रदान गर्दै आएको छ ।
