काठमाडौं । सिटिजनलाइफ इन्स्योरेन्स कम्पनी लि. भैरहवा शाखाका एजेन्सी म्यानेजर ज्योतीलाल पौडेलले आफ्नो वैवाहिक वार्षिकोत्सवकोअवसरमा आफ्नो श्रीमतीलाई जीवन बीमा पोलिसी उपहार दिएका छन् । पौडेलले श्रीमती अन्जु पौडेललाई सिटिजनलाइफ इन्स्योरेन्स कम्पनीको सिटिजन शुभारम्भ बीमा योजना अन्तर्गत २५ लाखको बीमा पोलिसी उपहार स्वरुप दिएका हुन् ।
बीमा पोलिसी हस्तान्तरण गर्दै उनले बीमा गर्दा आर्थिक बचत हुने र नोक्सानी भएको हकमा क्षतिपूर्तिको सुनिश्चित भएको हुँदा जीवन बीमा अतिआवश्यक रहेको बताए। जीबन बीमा गर्ने योजना पहिले नै बनाएको र बिशेष दिनमा उपहार स्वरुप दिँदा आकर्षक उपहार हुने र अन्यलाई समेत उत्प्रेरणा मिल्ने हुदाँ सो उपहार दिएको उनले बताए । अन्य उपहार खरिद गर्दा खर्चहुने रकम बीमामा भुक्तानी गर्दा भविष्यको लागी उपयोगी बचत हुने उनी बताउँछन् ।
सो पोलिसी हस्तान्तरण कार्यक्रममा कम्पनीका भैरहवाका क्षेत्रीय प्रमुख नरेश सिग्देल, भैरहवा शाखा प्रमुख गिरिजा खनाल साथै भैरहवा शाखाका कर्मचारी तेज प्रकाश पाण्डे र सुसिल ज्ञवालीको उपस्थिती रहेको थियो ।
परिवर्तित समयसँगै पछिल्लो समय जीवन बीमालाई आम जनताको दैनिकीसँग जोड्दै जीवन बीमा पोलीसी उपहारका रुपमा दिने चलन बढ्दै गएको छ । विवाह, ब्रतबन्ध, जन्मदिन, पास्नी, गून्योचोलो, बैवाहिक बर्षगाँठ लगायतका शुभ कार्यमा बीमा पोलीसी उपहार दिने चलन बढ्दै गएको हो ।
