काठमाडौं । एशियन लाइफ इन्स्योरेन्स कम्पनीको २५ लाख ३९ हजार ८३५ कित्ता संस्थापक शेयर सर्वसाधारण समुहमा परिणत भएको छ । उक्त शेयर सर्वसाधारण शेयरमा परिणत भए सँगै लगानीकर्ताले सजिलै दोस्रो बजारमा शेयर खरिद बिक्री गर्न सक्ने भएका छन् ।
कम्पनीले १० प्रतिशत संस्थापक शेयर सर्वसाधारण शेयरमा परिणत गर्ने निर्णय साधारणसभाबाट पारित गरेको थियो । कम्पनीले १० प्रतिशत शेयर सर्वसाधारणमा परिणत गरे सँगै शेयरधनी संरचना नै परिवर्तन भएको छ । अव कम्पनीको ६० प्रतिशत शेयर संस्थापक र ४० प्रतिशत शेयर सर्वसाधारण समुहको हुनेछ ।
