काठमाडौं । बैशाख पहिलो सातामा बाणिज्य बैंकहरुबाट १२ अर्ब रुपैयाँ निक्षेप बाहिरिएको छ । नेपाल बैंकर्स संघका अनुसार चैत मसान्तदेखि बैंशाख २ गतेसम्ममा निक्षेप संकलन १२ अर्ब रुपैयाँले घटेको छ भने कर्जा विस्तार पनि २ अर्बले खुम्चिएको छ ।
बैंकहरुले बैशाख २ गतेसम्ममा ४३ खर्ब ७७ अर्ब रुपैयाँ निक्षेप संकलन गरेर ४१ खर्ब ९५ अर्ब रुपैयाँ कर्जा लगानी गरेका छन् । जवकी चैत ३० गते बाणिज्य बैंकहरु सँग निक्षेप संकलन ४३ खर्ब ८९ अर्ब रुपैयाँ थियो भने कर्जा लगानी ४१ अर्ब ९७ अर्ब रुपैयाँ थियो ।
यसरी बैंकिङ प्रणालीबाट पैसा बाहिरिरहेको छ । अर्थमन्त्री र गभर्नर विचमा चर्को विवाद छ । यसै अवधिमा बैंकिङ प्रणालीमा दिन दिनै समस्या देखिन थालेको छ । तरलता अभावको सिमा चरम अवस्थामा छ । सरकार र राष्ट्र बैंक मिलेर समाधान गर्नुको सट्टा उल्टै आपसी विवादमा अर्थमन्त्री र गभर्नर लागि परेका छन् ।
