काठमाडौं । रिलायन्स लाइफ इन्स्योरेन्सले चितवनको नारायणगढमा रिलायन्स साथी अभिमुखीकरण कार्यक्रम सम्पन्न गरेको छ । कम्पनीमा कार्यरत अभिकर्ताहरुको क्षमता अभिवृद्धि गर्ने उद्देश्यले कार्यक्रमको आयोजना गरिएको हो ।
आफ्नै कोडबाट सर्वाधिक व्यवसाय गर्ने यस क्षेत्रका हरेक शाखाका उत्कृष्ठ दुई/दुई जना अभिकर्ताहरुलाई सम्मान गरिएको छ । त्यस्तै प्रत्येक शाखाबाट टिम विजनेस तर्फ सर्वाधिक धेरै व्यवसाय गर्ने अभिकर्तालाई पनि सम्मान गरिएको छ । बुटवल क्षेत्रमा १६ जना एजेन्सी म्यानेजर सम्मानित भएका हुन् ।
कम्पनीका प्रमुख कार्यकारी अधिकृत राकेश पोख्रेलले बीमाको पहुँच बढाउन अभिकर्ताको महत्वपुर्ण भुमिका रहेको बताएका छन् । त्यस्तै नायब प्रमुख कार्यकारी अधिकृत निराजन कंडेलले रिलायन्स साथीको क्षमता अभिबृद्धिमा कम्पनीले विभिन्न काम गरेको भन्दै आगामी दिनमा समेत कार्यक्रमहरु गर्ने प्रतिवद्धता व्यक्त गरेका छन् ।
कार्यक्रममा सेल्स हेड सूर्य प्रकाश गुप्ता र सन्दिप कसजु र क्षेत्रिय प्रमुख इन्द्र विकले बीमा सम्बन्धी प्रस्तुतिकरण दिएका थिए । क्षेत्र प्रमुख इसा प्रधानले कार्यक्रमको संयोजन गरेकी थिइन् । कार्यक्रममा एमडिआरटी सहित १५० जना अभिकर्ताहरुको उपस्थिति थियो ।
