भारतीय धितोपत्र बजारमा हालसम्मकै सर्वाधिक ठूलो परिमाणमा जारी गर्न लागिएको लाइफ इन्स्योरेन्स कर्पोरेशन (एलआइसी) इण्डियाको बिक्रि प्रबन्धकको जिम्मा १० वटा कम्पनीलाइ दिइएको छ ।
भारत सरकारले एलआइसी इण्डियाको ५ प्रतिशत शेयर यसै महिना सर्वसाधारणमा जारी गर्दैछ । बिक्रि प्रबन्धकको रूपमा कोटाक महिन्द्रा क्यापिटल, एक्सिस क्यापिटल, बोफा सेक्युरिटीज इण्डिया, जेएम फाइनान्सियल, गोल्डमेन सेक सेक्युरिटिज इण्डिया, आइसीआइ सेक्युरिटिज, सिटी ग्रुप ग्लोबल मार्केट,जेपि मोर्गन इण्डिया, नोमुरा फाइनान्सियल एडभाइजरी, सेक्युरिटीज इण्डिया र एसबिआइ क्यापिटललाइ नियुक्त गरिएको छ ।
भारतीय धितोपत्र बजारकै सर्वाधिक ठूलो संख्या ३६. १ करोड कित्ता शेयर बिक्री गर्न लागिएको छ । पूर्ण सरकारी स्वामित्व रहेको एलआइसी इण्डियाको प्रति कित्ता शेयर मूल्य रू. १० रहेको छ । डिजिटल भुक्तानी सेवा प्रदायक पेटमले जारी गरेको १८ हजार ३ सय करोड रूपैयाँको शेयर भन्दा यो ठूलो हुने छ ।
भारत सरकारले शेयरको बिक्रीबाट करिब ६० हजार करोड देखि ७० हजार करोड भारू जुटाउन सक्ने अनुमान गरिएको छ । यति रकमको लागी कम्तीमा प्रति कित्ता २ हजार ३ सय ७० भारूमा शेयर खरिद हुनुपर्ने पूँजी बजार विश्लेषकहरूको भनाइ छ
