बीमा समितिले बीमा कम्पनीहरुलाई व्यापार प्रवर्द्धनको लागि जथाभावी उपहार वितरणमा गर्नमा रोक लगाएको छ ।
बीमा कम्पनीहरुले बीमा व्यवसाय प्रवर्द्धनको लागि नियमित कमिशन बाहेक थप इन्सेन्टिभ र जिन्सी उपहार समेत वितरण गरेर अस्वस्थ प्रतिस्पर्धामा उत्रिएपछि समितिले हस्तक्षेप गरेको हो ।
बीमा समितिले सबै जीवन बीमा कम्पनीहरुलाई कुनै पनि प्रवर्द्धनात्मक उपहार वितरण कार्यक्रम ल्याउनु अघि अनिवार्य रुपमा पूर्व स्वीकृति लिनु पर्ने विज्ञप्तीमा उल्लेख गरिएको छ ।
बीमा समितिले जारी गरेको विज्ञप्ती अनुसार भविष्यमा कुनै पनि उपहार कार्यक्रम लागू गर्नुपूर्व अनिवार्य स्वीकृति लिन र हाल संचालनमा रहेका योजनाबारे समेत जानकारी गराउन निर्देशन दिएको छ।
यस अघि बीमा समितिले बीमा कम्पनीहरुलाई वैदेशिक भम्रणमा पनि रोक लगाएको थियो ।
