काठमाडौं । नेपालमा जीवन बीमाको पहुँच ३५ प्रतिशत जनसंख्यामा पुगेको छ । बीमा समितिका अनुसार पुस मसान्तसम्ममा म्यादी र बैदेशिक रोजगार बीमालेख सहित बीमाको पहुँच ३५ प्रतिशत पुगेको हो । गत वर्षको पुस मसान्तसम्ममा यस्तो पहुँच २४.८६ प्रतिशत थियो ।
यस अवधिमा वैदेशिक रोजगार बीमालेख संख्या २०.८१ प्रतिशतले बृद्धि भएको छ । समितिका अनुसार चालु आर्थिक वर्षको पुस मसान्तसम्ममा बेदशिक रोजगार बीमालेख संख्या ९ लाख ९ हजार ९०९ रहेको छ ।
त्यस्तै कुल जीवन बीमालेख संख्या भने ४२.९२ प्रतिशतले बृद्धि भएको छ । पुस मसान्तसम्मा एक करोड १० लाख ४१ हजार ८८ वटा पोलिसी जारी भएका छन् । तर एउटै व्यक्तिले दुई तीन वटा भन्दा धेरै पोलिसी खरिद गर्ने गरेकोले यो तथ्याङ्ककै आधारमा पहुँच गणना गर्नु जायज हुँदैन । त्यसैले समितिले यस संख्यामा ५ प्रतिशत घटाएर बीमाको पहुँच गणना गर्ने गरेको छ
Monthly-Report-2078.79-Push_MOF
