काठमाडौं । सेन्ट्रल फाइनान्स लिमिटेडले आफ्ना शेयरधनीहरूको बैंक खातामा नगद लाभांश जम्मा गरेको छ । फाइनान्सको पुस ३० गते, सम्पन्न भएको २५ औं वार्षिक साधारण सभाबाट पारित ३ दशमलव ३० प्रतिशत नगद लाभांश शेयरधनीको बैंक खातामा जम्मा गरेको जनाएको छ ।
कम्पनीले पुस ६ गतेसम्म हितग्राही खातामा बैंक खाता अद्यावधिक गराएका शेयरधनीहरुको सम्बन्धित बैंक खातामा जम्मा गरिएको एक सुचना जारी गर्दै जनाएको छ ।
त्यसैगरी, फाइनान्सले हालसम्म पनि आफ्नो शेयर प्रमाणपत्रहरु अभौतिकीकरण नगराउने सेयरधनीहरुलाई यथाशीघ्र आफ्नो शेयर प्रमाणपत्र अभौतिकीकरण गराई हितग्राही खातामा आफ्नो बैंक खाता अद्यावधिक गराएर नगद लाभांश लिन आग्रह गरेको छ ।
