काठमाडौं । सनराइज बैंकले गत शनिबार ओखलढुङ्गा जिल्लाको मोलुङ्ग गाउँपालिका १ कुन्तादेवीमा ८५ औं शाखारहित बैंकिङ सेवाको सुरुवात गरेको छ । बैंकले सेवा सञ्चालनका लागी कुन्तादेवीका लाल प्रसाद ढकाललाई व्यवसायिक प्रतिनिधिका रुपमा नियुक्त गरेको छ ।
यी शाखारहित बैंकिङबाट निक्षेप संकलन, रकम भुक्तानी, रकम स्थानान्तरण, बिल भुक्तानी लगायत बैंकले प्रदान गर्ने अन्य सेवा समेत उपलब्ध गराइने बैंकले बताएको छ ।
बैंकको हाल १३९ वटा शाखा, १२ वटा एक्सटेन्सन काउण्टर, १६१ वटा एटिएम र ८५ वटा शाखारहित बैंकिङ्ग सेवा मार्फत सेवा प्रदान गर्दै आइरहेको छ ।
