काठमाडौं । नेपाल राष्ट्र बैंकले तरलता व्यवस्थापनका लागि मात्रै ६० अर्ब रुपैयाँको तरलता प्रशोचन गरेको छ । आर्थिक वर्ष २०७८/७९ को पाँच महिनामा रिभर्स रिपोमार्फत रु.२८ अर्ब ३५ करोड र निक्षेप संकलन उपकरणमार्फत रु.३१ अर्ब ६५ करोड गरी कुल रु.६० अर्ब तरलता प्रशोचन गरिएको छ । अघिल्लो वर्षको सोही अवधिमा रिभर्स रिपोमार्फत रु.६० अर्ब र निक्षेप संकलन उपकरणमार्फत रु. १०१ अर्ब ८० करोड गरी कुल रु. १६१ अर्ब ८० करोड तरलता प्रशोचन भएको थियो ।
समीक्षा अवधिमा रिपोमार्फत्रु.२८७ अर्ब २३, सोझै खरिद उपकरणमार्फत रु.२७ अर्ब २२ करोड र स्थायी तरलता सुविधामार्फत रु.२४०६ अर्ब ६२ करोड गरी कुल रु.२७२१ अर्ब ६ करोड तरलता प्रवाह गरिएको छ । समीक्षा अवधिमा यस बैंकले विदेशी विनिमय बजार (वाणिज्य बैंकहरु) मा अमेरिकी डलर ५५ करोड २८ लाख खुद खरिद गरी रु.६६ अर्ब ४३ करोड तरलता प्रवाह गरेको छ । अघिल्लो वर्षको सोही अवधिमा विदेशी विनिमय बजारबाट अमेरिकी डलर १ अर्ब ८७ करोड खुद खरिद गरी रु.२२१ अर्ब ८४ करोड तरलता प्रवाह गरिएको थियो ।
समीक्षा अवधिमा अमेरिकी डलर १ अर्ब ८२ करोड बिक्री गरी रु.२१६ अर्ब ९१ करोड बराबरको भारतीय रुपैयाँ खरिद भएको छ । अघिल्लो वर्षको सोही अवधिमा अमेरिकी डलर १ अर्ब ६२ करोड बिक्री गरी रु.१९१ अर्ब ९६ करोड बराबरको भारतीय रुपैयाँ खरिद भएको थियो ।