काठमाडौं । महालक्ष्मी विकास बैंकको साधारणसभा स्थगित भएको छ । साधारणसभाका लागि गणपुर संख्या नपुगे पछि साधारणसभा हुन नसकेको हो । साधारणसभाका लागि ५१ प्रतिशत शेयरधनीहरुको प्रतिनिधित्व हुनु पर्छ । तर यति बराबर पनि नपुगे पछि रोकिएको हो ।
बैंकले आज साधारणभाका लागि शेयरधनीहरुलाई आह्वान गरेको थियो । सञ्चालकका विषयमा विवाद भए पछि संस्थापक शेयरधनीहरुले प्रतिनिधित्व नजनाउदा साधारणसभा हुन नसकेको हो । बैंकले आर्थिक बर्ष २०७७/७८ को मुनाफाबाट २१ दशमलव ०५ प्रतिशत लाभांश वितरण गर्ने प्रस्ताव गरेको छ । कम्पनीले २० प्रतिशत बोनस सेयर र कर प्रयोजन सहित १ दशमलव ०५२६ नगद लाभांश बितरण गर्ने प्रस्ताव गरेकोमा साधारणसभा नहुँदा आज पारित हुन पाएन ।
बैंकले संस्थापक समुहबाट ३ जना र सर्वसाधारण समुहबाट ३ जना गरि ६ जना संचालकको निर्वाचन गर्ने प्रस्ताव रहेकोमा सर्वोच्चमा मुद्दा परेपछि निर्वाचन प्रकृयाँ पनि रोकिएको छ । साधारणसभा तथा लाभांश प्रयोजनको लागि पुस १३ गते बुक क्लोज भइसकेको छ ।
