काठमाडौं । नेपाल लाइफका अभिकर्ताको अवरोध पछि कम्पनीका सञ्चालक सहित पुर्वका शाखा प्रमुखहरुको गोष्ठी नै स्थगित भएको छ । अभिकर्ताले पुस ८ गते बिहीबार कार्यबाहक प्रमुख कार्यकारी अधिकृत सुशिल कुमार चौधरीलाई तीन घण्टा नियन्त्रणमा लिएर हिजो शनिवार सञ्चालकहरुलाई भेटाइदिने सर्तमा छोडिदिएका थिए ।
तर सञ्चालकहरुले अभिकर्ताहरुलाई भेट्दै नभेटी कार्यक्रम नै स्थगित गरेर काठमाडौं फर्किएका छन् । मेची क्राउन प्लाजामा भेट्ने सल्लाह भएकोमा उनिहरु सम्पर्कमै नआएर कार्यक्रम नै स्थगित गरेर बाहिरिएका हुन् ।
उनिहरुले सञ्चालक कमलेश कुमार अग्रवाललाई फोन गरेर भेट्न आग्रह गर्दा समेत उनले नमानेको नेपाल लाइफ अभिकर्ता संघर्ष समितिका ओम केसीले जानकारी दिए । संचालकले ३६५ दिनमा १३८ दिन बैठक बसेर २९ लाख लिन हुने अभिकर्तालाई भेट्न नसक्ने भन्दै फोनमै आक्रोसित भएका थिए । झापामा भेट्न नमाने पछि संघर्ष समितिले काठमाडौं मै आएर थप संघर्षका कार्यक्रम गर्ने जनाएका छन् । पछिल्लो समय नेपाल लाइफका अभिकर्ताहरु कम्पनीको हर्कत देखेर रुष्ट छन्
अभिकर्ताको नियन्त्रणका क्रममा कार्यबाहक सिइओ चौधरीले सञ्चालकहरुलाई नभेटाइदिए आफुले पदबाट राजिनामा दिनेसम्मको प्रतिवद्धता व्यक्त गरेका थिए । तर आक्रोशित अभिकर्तालाई भेट्दै नभेटी अध्यक्ष गोविन्दलाल संघाइ, सञ्चालकहरु कमलेश कुमार अग्रवाल, विमल प्रसाद ढकाल सहित उच्च व्यवस्थापन तहका कर्मचारीहरु सुशिल कुमार चौधरी, दिगबिजय सिङ्गल, प्रेम प्रसाद रेग्मी र बन्दना शर्मा शिवाकोटी फर्किएका हुन् ।
यो टोलि कम्पनीको खर्चमा पोखरा, लुम्बिनी, विरगञ्ज, कलैया लागयतका विभिन्न स्थानमा घुमघाम तथा भेटघाट सकाउदै झापाको दमकमा पुगेका थिए । यसरी कम्पनीको सामान्य गोष्ठी तथा सेमिनारमै खुलेआम हिड्न थाले पछि कम्पनीका अभिकर्ताहरुले उनिहरुलाई अवरोध गर्दै आइरहेका छन् । उनिहरुले यस अगाडी गोरखा र पोखराको कार्यक्रममा पनि अवरोध गरेका थिए ।
अभिकर्ताहरुले आफ्नो सेवा सुविधा कटौती गर्नका लागि टार्गेट बढाएको, राम्रा र लोकप्रिय बीमा पोलिसी बन्द गराएको, नयाँ पोलिसी मंहगो बनाएर बच्नै नसक्ने बनाएको, बीमा पोलिसीदर घटाउन खोजेको भन्दै विरोध जनाउदै आएका छन् । कम्पनीको उच्च व्यवस्थापनमा सञ्चालकको हस्तक्षेपले कम्पनी खोक्रो पारेको उनिहरुको आरोप छ ।
दमकमा नेपाल लाइफका निमित्त सिइओ चौधरी अभिकर्ताको नियन्त्रणमा, तीन घण्टा होटलमै थुनिए
भत्ताकै लागि बैठक बस्छन् नेपाल लाइफका सञ्चालक, कमलेश अग्रवाल एक्लैले १३८ मिटिङ बापत बुझे २९ लाख
