काठमाडौं । नेपाल लाइफका दुई संस्थापकले आफ्नो नाममा रहेको २ लाख १३ हजार १०० कित्ता संस्थापक शेयर बिक्री गर्ने भएका छन् । संस्थापक शेयरधनीले अशोक कुमार अग्रवालले १३ हजार १०० कित्ता र प्रुडेन्सियल क्यापिटल म्यानेजमेन्टले २ लाख कित्ता शेयर बिक्रीका लागि कम्पनीमा निवेदन दिएका छन् ।
कम्पनीले हाल कायम संस्थापक शेयरधनीहरुलाई नै उक्त शेयर खरिदका लागि ३५ दिनको म्याद दिएको छ । यदि कम्पनीमा कायम रहेका शेयरधनीहरुले खरिद गरेनन् भने मात्रै सार्वजनिक रुपमा अन्य लगानीकर्ताका लागि आह्वान गरिने कम्पनीले जनाएको छ । कम्पनीले अहिले सार्वजनिक गरेको सूचनामा शेयर मूल्यको विषयमा केहि पनि खुलाएको छैन । नियम अनुसार हाल कायम संस्थापकहरुलाई नै पहिलो प्राथमिकता दिनु पर्ने भएकाले यस्तो सूचना जारी गरेको हो ।
