काठमाडौं । वोमी लघुवित्त वित्तीय संस्था लिमिटेडले १०औं वार्षिक साधारण सभा पुस १६ गते गर्ने भएको छ । कम्पनीले सभा बिहान ११ बजे धुलिखेल नगरपालिका ४ धुलिखेल स्थित होटल अरनिको सभाहलमा हुने बताएको छ ।
सभाले २० प्रतिशत बोनश शेयर वितरण गर्ने प्रस्ताव पारित गर्नेछ । साथै सभाले यस वोमी लघुवित्त र सूर्योदय लघुवित्त वित्तीय संस्था एक आपसमा गाभिने प्रस्तावलाई पनि पारित गर्नेछ ।
उक्त मर्जर प्रयोजनको लागि सम्पूर्ण कार्यहरु गर्नका लागि सञ्चालक समितिलाई अख्तियारी प्रदान गर्ने प्रस्ताव पनि सभाले पारित गर्नेछ । साथै सभाले मर्जर समितिबाट निर्धारण गरेको १ः१ अनुपातमा शेयर आदान प्रदान अनुपात पनि पारित गर्नेछ ।
साधारण सभा तथा लाभांश प्रयोजनको लागि कम्पनीले शेयरधनीदर्ता पुस्तिका पुस १ गते देखि १६ गतेसम्म बन्द गर्ने जनाएको छ । यसका आधारमा मंसिर २९ गतेसम्म कायम शेयरधनीले लाभांश पाउन तथा सभामा भाग लिन पाउनेछन् ।
