पुनर्बीमाको निर्णय पछि बीमा समितिमा सञ्चालक समितिको बैठक बस्न सकेन

काठमाडौं । बीमा समितिका अध्यक्ष सूर्य प्रसाद सिलवालले एकलौटी रुपमा पुनर्बीमा सम्बन्धी निर्णय गरेको भन्दै अन्य सञ्चालकहरु बैंठकमा आउन छाडेका छन् । सञ्चालकहरु नै आउन छाडेपछि बीमा समितिको नियमित बैठक पनि बस्न सकेको छैन ।

सञ्चालक समितिको बैंठक जहिले पनि केहि समय बसेर टुङ्गिने गरेको छ । लघु बीमा कम्पनी स्थापनाका विषयमा लामो समयदेखि अर्थमन्त्रालय सँग मतभेत रहदै आएको थियो । यसै क्रममा अध्यक्ष सूर्य प्रसाद सिलवालले एकलौटी रुपमा पुनर्बीमा सम्बन्धी निर्णय गरेको चर्चा चलिरहेको छ । बीमा समिति स्रोतका अनुसार अध्यक्षले सञ्चालक समितिका अन्य सदश्यको हस्ताक्षर समेत आफैले गरेको हल्ला चलिरहेको छ । तर यस विषयमा इन्स्योरेन्स खवर सँग कुनै पनि प्रमाण छैन । यदि बीमा समिति स्रोतले भने अनुसार अध्यक्षले अन्य सञ्चालकको पनि आफैले हस्ताक्षर गरेको भए राम्रो अभ्यास होइन ।

बीमा समितिको सञ्चालकहरुमा कानुन मन्त्रालयका शुशिल कोइराला, अर्थमन्त्रालयका नारायण प्रसाद सापकोटा र बीमा विज्ञको रुपमा कपिलदेव ओली रहेका छन् । सञ्चालक समितिको बैठकमा सापकोटाको कमै उपस्थिति रहने गरेको पाइन्छ ।

बीमा समितिले पुनर्बीमा सँग सम्बन्धित जुन किसिमको निर्देशन जारी गरेको छ यो आफैमा अव्यवहारिक र अवस्यवसायिक हो । पुनर्बीमाका विज्ञहरुका अनुसार पुनर्बीमाको आधारभुत ज्ञान नएकाले मात्रै यस्तो निर्देशन बनाउने बताउछन् ।

यस सँग सम्बन्धित समाचारहरु