काठमाडौं । सन नेपाल लाइफ इन्स्योरेन्स कम्पनीले आफ्नै जग्गा तथा भवनमा कर्पोरेट कार्यालय खोल्ने योजना बनाएको छ । कम्पनीले कर्पोरेट कार्यालयका लागि न्यूनतम पनि १४ आना जग्गा खरिदका लागि आवस्यक प्रकृयाँ अगाडी बढाएको छ । यसका लागि इच्छुक व्यक्ति तथा संस्थाहरुलाई ३५ दिन भित्रमा प्रस्ताव पेश गर्न आह्वान समेत गरेको छ ।
कम्पनीले इच्छुक व्यक्ति तथा संस्थाहरुलाई कम्पनीको इमेल ठेगानामा दरखास्त आह्वान पेश गर्न समेत अनुरोध गरेको छ । आवेदकले आवेदन दिदा लालपुर्जाको प्रतिलिपी, जग्गाधनीको नागरिकताको प्रतिलिपी, जग्गाको ब्लूप्रिन्ट, सडक सँग जोडिएको अर्थात मुल सडकबाट न्युनतम २० फिटको अवधिमा हुनेपर्नेछ । आवेदकले मुद्दा मामिला वा विवाद नभएको स्वः घोषणा समेत गर्नुपर्नेछ ।
कम्पनीले टेकु, त्रिपुरेश्वर, थापाथली, पुतलीसडक, अनामनगर, कमलादी, कमलपोखरी, रातोपुल, ज्ञानेश्वर, लैनचौर, दरवारमार्ग, हात्तिसार, नक्साल, उत्तरढोका, लाजिम्पाट, पानिपोखरी, बालुवाटार क्षेत्रका जग्गाधनीहरु सँग प्रस्ताव आह्वान गरेको छ ।
सन नेपाल लाइफ स्थापना भएको ४ वर्ष पुरा भएको छ । स्थापनाको ४ वर्ष पुरा भएर ५ औ वर्षमा चलिरहदा कम्पनीले आफ्नै भवन निर्माणका लागि आवस्यक प्रकृयाँ अगाडी बढाएको हो । कम्पनीले जग्गा लिएर भवन निर्माण गर्ने योजना बनाएको छ ।
