काठमाडौं । नेपाल स्टक एक्सचेञ्जमा आज फर्स्ट माइक्रोफाइनान्स लघुवित्त वित्तीय संस्था लिमिटेडको बोनश शेयर मूल्य समायोजन भएको छ । नेप्सेले १० प्रतिशत बोनश शेयर पछिको शेयर मुल्य समायोजन गरी ९२१ रुपैयाँ ८२ पैसा शेयर मुल्य कायम गरेको छ ।
कम्पनीको अघिल्लो कारोबारको कायम अन्तिम शेयर मूल्य १ हजार १४ रुपैयाँको आधारमा शेयरमूल्य समायोजन गरेको हो । कम्पनीले लाभांश तथा साधारण सभा प्रयोजनार्थका लागि बुक क्लोज गरेसँगै नेप्सेले शेयर मूल्य समायोजन गरेको हो ।
कम्पनीले गत आवको मुनाफाबाट शेयरधनीलाई १० प्रतिशत बोनश शेयर र शून्य दशमलव ५३ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको हो ।
