काठमाडौं । मेगा बैंकले १७ हजार ९७१ कित्ता संस्थापक शेयर विक्री गर्ने भएको छ । कम्पनीले कम्पनीका संस्थापक शेयरधनी विसन शाक्यको नाममा रहेको १ हजार ८३४ कित्ता, नारायण कुमार श्रेष्ठको नाममा रहेको ५ हजार ३७९ कित्ता र अर्का संस्थापक शेयरधनी नारायण कुमार श्रेष्ठको नाममा रहेको १० हजार ७५८ कित्ता संस्थापक शेयर विक्री गर्न लागेको जनाएको छ ।
उक्त शेयरको मूल्य भने तोकिएको छैन । उक्त शेयर खरीद गर्न इच्छुक यस कम्पनीका हाल कायम रहेका संस्थापकहरुले यो सूचना प्रकाशित गरेको आजको मितिले ३५ दिनभित्र आवश्यक कागजात संलग्न गरी कम्पनीको केन्द्रीय कार्यालय, कमलादी, काठमाडैंमा सम्पर्क राखी निवेदन पेश गर्नुपर्ने हुन्छ ।
उक्त समय अवधिमा शेयर खरीद गर्न निवेदन नआएमा बीमा समितिको निर्देशन बमोजिम अन्य व्याक्ति संघ संस्थालाई विक्री गर्ने कम्पनीले जनाएको छ ।
