काठमाडौं । सिटिजन लाइफ इज्स्योरेन्स कम्पनीको चन्द्रौटा शाखाले मृत्यु दावी भुक्तानी गरेको छ । कम्पनीले बीमितको परिवारलाई सिटिजन सुरक्षा बीमा अन्तर्गत मृत्यु दाबी वापतको १ लाख १० हजार रुपैयाँ भुक्तानी गरेको हो ।
सहज बचत तथा ऋण सहकारी संस्था र सिटिजन लाइफ इन्स्योरेन्स कम्पनी चन्द्रौटा शाखाको सम्झौता अनुसार बीमित लिला सोमैको १ लाख रुपैयाँको ऋणको बीमा भएको थियो । सोही अनुरुप कम्पनीले उक्त रकम प्रदान गरेको हो ।
कम्पनीले सहकारीबाट ऋण लिदा ऋणीको कुनै पनि कारणले मृत्यु हुदा वा ऋणी पूर्ण अशक्त अपाङ्ग हुदा ऋणको सम्पूर्ण जिम्मेवारी सिटिजन लाइफले लिने गर्दछ ।
कम्पनीले उक्त रकम सहकारीका सचिव , कम्पनीका चन्द्रौटा शाखा प्रबन्धक , सहकारीका व्यवस्थापक ,सचिव र सदस्य लगायतको उपस्थितिमा जनप्रतिनिधि राम बहादुर चौधरी र सिटिजन लाइफका क्षेत्रिय शाखा प्रबन्धक लक्ष्मन मरासिनीले बीमित लिला सोमैको हकवाला भिम बहादुर सोमैलाई हस्तान्तरण गरेका हुन् ।
