लाइफ इन्स्योरेन्स कर्पोरेशन (नेपाल) ले २०१८ मा उत्कृष्ट कार्य सम्पादन मार्फत तोकिए बमोजिमको मापदण्ड पुरा गरी कम्पनीबाट एमडीआरटी र विमा रत्न बन्न सफल ३०० जना अभिकर्ताहरुलाई पोखरामा सम्मान गरेको छ ।
एमडीआरटी भनेको व्यवसायिक बीमा अभिकर्ताहरुको लागि वनेको अन्तराष्ट्रिय मञ्च हो । जसको प्रधान कार्यालय संयुक्त राज्य अमेरिकामा रहेको छ । एमडीआरटी संस्थाले तोकेको न्यू विजनेश सम्पादन गर्ने अभिकर्तालाई एमडीआरटी को सदस्य बन्ने अवसर प्रदान गर्दछ । गत वर्ष यो योग्यता पुग्न ४० लाख २७ ५०० सय रकम भन्दा बढी न्यू विजनेश बीमा शुल्क निर्धारण गरेको थियो ।
उक्त कार्यक्रममा एलआईसी नेपालका नव–नियुक्त प्रमुख कार्यकारी अधिकृत एल.पी. दासले अभिकर्ताहरुलाई शिल्ड तथा प्रशंसा पत्रबाट सम्मान गरको थियो । दासले सम्मानित अभिकर्ताहरु नै कम्पनीको प्रगतिका लागि वास्तविक आधार स्तम्भ भएको र अभिकर्ताहरु अनुशासित, इमान्दार, दक्ष र व्यवसायिक बनेर काम गर्नु पर्ने बताएका छन् । कार्यक्रममा प्रशीक्षणको रुपमा कम्पनीका नायब महाप्रबन्धक अभिजितघोष दस्तिदारले अभिकर्ताहरुलाई प्रशिक्षण गराएका थिए ।
