काठमाडौं । नेपाल सेवा लघुवित्त र विन लघुवित्तको एकिकृत कारोबार कार्तिक १५ गतेबाट सुरु गर्ने भएका छन् । नेपाल सेवा लघुवित्तले विन लघुवित्तलाई गाभेपछि विन नेपाल लघुवित्तको नामबाट एकिकृत कारोबार सुरु गर्ने भएका हुन् ।
साविकको इजाजतपत्र प्राप्त नेपाल सेवा लघुवित्तले विन लघुवित्तलाई सो संस्थाको सम्पूर्ण सम्पत्ति तथा दायित्व आफूमा सर्ने गरी गाभेपश्चात् कार्तिक १५ गते सोमबारका दिनदेखि साविकका दुवै संस्थाबाट सञ्चालन हुँदै आएको सम्पूर्ण वित्तीय कारोबार एकीकृत रूपमा “विन नेपाल लघुवित्त वित्तीय संस्था लिमिटेडको नामबाट एकीकृत कारोबार सञ्चालन गर्न लागिएको जनाएको छ ।
दुवै संस्थाको जेठ २४ बसेको साधारणसभाले एक आपसमा मर्ज हुने प्रस्ताव पारित गरेको थियो । २ संस्था १००ः७५ को स्वाप रेसियोमा मर्ज भएका हुन् ।
एकिकृत कारोबारपछि संस्थाको अधिकृत पूँजी २० करोड, र जारी पूँजी तथा चुक्ता पूँजी ७ करोड ७१ लाख ३७ हजार ५ सय रहने संस्थाले जनाएको छ ।
