काठमाडौं । नेपाल क्रेडिट एण्ड कमर्स (एनसीसी) बैंक लिमिटेडले बैंकका संस्थापक शेयरधनीहरुको नाममा रहेको कुल २ लाख ८५ हजार ५८६ कित्ता संस्थापक शेयर लिलामीमा विक्री खुला गरेको छ ।
उक्त शेयरमा नेपाल राष्ट्र बैंकको निर्देशन बमोजिम कम्पनीका विद्यमान संस्थापक शेयरधनीहरुले मात्र आवेदन दिन सकिने छ। शेयरमा असोज २५ गतेसम्म आवेदन दिन सकिनेछ । ईच्छुक संस्थापक शेयरधनीहरुले सुचना प्रकाशित भएको मितिले ३५ दिनेभित्र बोलपत्र पेश गर्नुपर्ने हुन्छ ।
तोकिएको अवधिभित्र विद्यमान संस्थापक शेयरधनीहरुले उक्त शेयर खरीदका लागि बैंकको कार्यालय बागबजार, काठमाडौंमा लिखित निवेदन दिनुपर्नेछ ।
उक्त अवधिभित्र विद्यमान संस्थापक शेयरधनीहरुले आवेदन नदिएमा प्रचलित कानून बमोजिम अन्य व्यक्ति तथा संस्थाहरुलाई शेयर विक्री गर्ने बैंकले जनाएको छ ।
