काठमाडौं । गुराँस लघुवित्त वित्तीय संस्थाले आर्थिक वर्ष २०७७/७८ को मुनाफाबाट १७.७९ प्रतिशत लाभांश दिने घोषणा गरेको छ । असोज १० गते बसेको सञ्चालक समितिको बैठकले चुक्ता पूँजी ८ करोड ३४ लाख रुपैयाँको १६.९० प्रतिशत बोनश शेयर र बोनश शेयरमा लाग्ने कर प्रयोजनका लागि ०.८८ प्रतिशत नगद लाभांश दिने निर्णय गरेको हो ।
संस्थाले घोषणा गरेको एक करोड ४१ लाख रुपैयाँ बोनश शेयर वितरण पछि चुक्ता पूँजी ९ अर्ब ७५ करोड रुपैयाँ पुग्नेछ । प्रस्तावित लाभांश नेपाल राष्ट्र बैंकले स्वीकृत गरेपछि मात्रै साधारणसभामा पेश गर्न सकिनेछ । साधारणसभाले प्रस्तावित लाभांश पारित गरेपछि मात्रै शेयरधनीहरुले प्राप्त गर्न सक्ने छन् ।
