सगरमाथा इन्स्योरेन्स र प्रिमियर इन्स्योरेन्स दुई निर्जीवन बीमा कम्पनी हुन । बीमा समितीले निर्जीवन बीमा कम्पनीको चुक्ता पुँजी न्युनतम १ अर्ब तोकेकोमा दुवै निर्जीवन बीमा कम्पनीको न्युनतम चुक्ता पुँजी हासिल गर्न सकेका छैनन ।
प्रिमियर इन्स्योरेन्स रसगरमाथा इन्स्योरेन्सको तुलनात्मक अध्ययन:
चुक्ता पुँजीको आधारमा:
दुवै कम्पनीको चुक्ता पुँजी निकै कम छ। बीमा समितीले निर्जीवन बीमा कम्पनीलाई १ अर्ब चुक्ता पुँजीको लक्ष्य दिएकोमा दुवै कम्पनीले निकै धेरै पुँजीवृद्धि गर्न बाँकी छ ।
प्रिमियर इन्स्योरेन्सको चुक्ता पुँजी ५८ करोड ४० लाख छ भने सगरमाथा इन्स्योरेन्सको चुक्ता पुँजी ५३ करोड ८२ लाख रहेको छ ।
प्रिमियर इन्स्योरेन्सले अझै आफ्नो चुक्ता पुँजी७१ प्रतिशतले वृद्धि गर्न बाँकीछ भने सगरमाथा इन्स्योरेन्सले अझै आफ्नो पुँजी ८५ प्रतिशतले वृद्धि गर्न बाँकी छ ।
जगेडा कोषको आधारमा :
जगेडा कोषको आधारमा प्रमियर इन्स्योरेन्सको जगेडा कोष बलियो छ । प्रमियर इन्स्योरेन्सको जगेडा कोषमा ६७ करोड १० लाख रुपैँया छ भने सगरमाथा इन्स्योरेन्सको जगेडा कोषमा ५५ करोड ७२ लाख रुपैँया रहेको छ ।
बीमा कोषको आधारमा :
बीमा कोषको आधारमा सगरमाथा इन्स्योरेन्स अगाडी छ । सगरमाथा इन्स्योरेन्सको बीमा कोषमा ४८ करोड ८७ लाख रुपैया छ भने प्रिमियर इन्स्योरेन्सको बीमा कोषमा ४२ करोड १५ लाख रुपैयाँ छ।
कुल र खुद बीमा शुल्कको आधारमा :
प्रिमियर इन्स्योरेन्सले चालु आर्थिक वर्षको प्रथम त्रैमासमा ४३ करोड २ लाख रुपैया कुल बीमा शुल्क आर्जन गरेको छ भने २२ करोड ६ लाख रुपैँया खुद बीमा शुल्क आर्जन गरेको छ।
सगरमाथा इन्स्योरेन्सले चालु आर्थिक वर्षको प्रथम त्रैमासमा ६० करोड ५८ लाख कुल बीमा शुल्क आर्जन गरेको छ भने ३१ करोड १३ लाख रुपैया खुद बीमा शुल्क आर्जन गरेको छ।
कुल दावी भुक्तानी र खुद दावी भुक्तानीको आधारमा :
प्रिमियर इन्स्योरेन्सले ३० करोड १९ लाख रुपैया कुल दावी भुक्तानी गरेकोमा ११ करोड ९६ लाख खुद दावी भुक्तानी गरेको छ ।
सगरमाथा इन्स्योरेन्सले २६ करोड २० लाख कुल दावी भुक्तानी गरेकोमा १२ करोड ९४ लाख खुद दावी भुक्तानी गरेको छ।
भुक्तानी हुन बाँकी दावी रकम :
प्रिमियर इन्स्योरेन्सको ९३ करोड ८१ लाख भुक्तानी हुन बाँकी दावी रहेको छ भने सगरमाथा इन्स्योरेन्सकोे ४८ करोड ४३ लाख रुपैया दावी भुक्तानी हुन् बाँकी छ।
खुद नाफाको आधारमा :
खुद नाफाको आधारमा प्रिमियर इन्स्योरेन्स अघि छ। प्रिमियर इन्स्योरेन्सले चालु आर्थिक वर्षको प्रथम त्रैमास सम्म ४ करोड १२ लाख खुद नाफा कमाएको छ भने सगरमाथा इन्स्योरेन्सले प्रथम त्रैमास सम्म ३ करोड ६९ लाख रुपैया कमाएको छ।
प्रति शेयर आम्दानीको आधारमा :
प्रति शेयर आम्दानीको आधारमा प्रिमियर इन्स्योरेन्स अघि छ। प्रिमियर इन्स्योरेन्सको प्रति शेयर आम्दानी २८ रुपैयाँ २२ पैसा रहेको छ भने सगरमाथा इन्स्योरेन्सको प्रति शेयर आम्दानी २७ रुपैया ४४ पैसा रहेको छ।
मूल्य आम्दानी अनुपातको आधारमा :
मूल्य र प्रति शेयर आम्दानीको आधारमा प्रिमियर इन्स्योरेन्स सस्तो छ। प्रिमियर इन्स्योरेन्सको मूल्य आम्दानी अनुपात ३६ गुणा छ भने सगरमाथा इन्स्योरेन्सको मूल्य आम्दानी अनुपात ४८ गुणा छ। सगरमाथा इन्स्योरेन्सको प्रमियर इन्स्योरेन्स भन्दा धेरै पुँजी थप्नु पर्ने भएकाले सगरमाथा इन्स्योरेन्सको मूल्य आम्दानी अनुपात धेरै छ।
किताबी मूल्यको आधारमा :
किताबी मूल्यमा सगरमाथा इन्स्योरेन्स अघि छ। सगरमाथा इन्स्योरेन्सको किताबी मूल्य ३०९ रुपैया छ भने प्रिमियर इन्स्योरेन्सको किताबी मूल्य २९३ रुपैँया छ।
