काठमाडौं । आर्थिक वर्ष २०७७ /७८ को मुनाफाबाट हालसम्म ५ वटा लघुवित्त वित्तीय संस्थाहरुले लाभांश प्रस्ताव गरेका छन् । हालसम्म मिर्मिरे लघुवित्त वित्तीय संस्था, डिप्रोक्स लघुवित्त वित्तीय सस्था र फर्स्ट माइक्रोफाइनान्स लघुवित्त वित्तीय संस्था, स्वरोजगार लघुवित्त वित्तीय संस्था र साधना लघुवित्त वित्तीय संस्थाले गत आर्थिक वर्षको मुनाफाबाट आफ्ना शेयरधनीलाई वितरण गर्ने लाधांश घोषणा गरेका हुन्
लाभांश घोषणा गरेका ५ लघुवित्त वित्तीय संस्थाहरुमध्ये सबैभन्दा धेरै साधना लघुवित्त वित्तीय संस्थाले २६ दशमलव ३२ प्रतिशत लाभांश वितरण गर्ने प्रस्ताव गरेको छ । जसमध्ये २५ प्रतिशत बोनश शेयर र कर प्रयोजनका लागि समेत गरी १ दशमलव ३२ प्रतिशत नगद लाभांश गरी कुल २६ दशमलव ३२ प्रतिशत लाभांश वितरण गर्ने प्रस्ताव गरेको हो ।
त्यस्तै, मिर्मिरे लघुवित्तले २० प्रतिशत लाभांश प्रस्ताव गरेको छ । जसमा २० प्रतिशत नै बोनश शेयर रहेको छ । डिप्रोक्स लघुवित्तले २१ दशमलव ०५३ प्रतिशत लाभांश घोषणा गरेको छ । जसमा २० प्रतिशत बोनश शेयर रहेको छ भने १ दशमलव ०५३ प्रतिशत नष्द लाभांश रहेको छ ।
त्यसैगरी फर्स्ट माइक्रोफाइनान्सले सबैभन्दा थोरै १० दशमलव ५३ प्रतिशत लाभांश प्रस्ताव गरेको छ । जसमा १० प्रतिशत बोनश शेयर रहेको छ भने ० दशमलव ५३ प्रतिशत नगद लाभांश रहेको छ । स्वरोजगार लघुवित्तले आर्थिक वर्ष २०७७/ ७८ को मुनाफाबाट शेयरधनीलाई २५ प्रतिशत लाभांश वितरण गर्ने प्रस्ताव गरेको हो । कम्पनीको २५ प्रतिशत नै बोनश शेयर रहेको छ ।
प्रस्तावित लाभांश नेपाल राष्ट्र बैंकबाट स्वीकृति भएपछि र कम्पनीहरुको आगामी साधारण सभाबाट पारित भएपछि शेयरधनीले हात पार्नेछन् ।
