काठमाडौं । सनराइज बैंकको संस्थापक शेयरको मूल्य संशोधन भएको छ । बैंकले गत साउन २२ गते सूचना जारी गर्दै विक्री खुला गरेको ५० हजार कित्ता संस्थापक शेयरको मुल्य संशोधन भएको जनाएको छ ।
बैंकले संस्थापक शेयरधनी ज्योतिकुमार बेगानीको नाममा रहेको उक्त शेयर प्रतिकित्ता १६५ उल्लेख गरी ३५ दिने सूचना जारी गरेको थियो । बेगानीले उक्त शेयरको मूल्य संशोधन गरी प्रतिकित्ता १८५ गर्न लिखित निवेदन दिएसँगै बैंकले साउन २२ गतेको ३५ दिने सूचना रद्द गरी भदौ १० गते पुनः ३५ दिने सूचना जारी गरेको जनाएको छ ।
संशोधित मूल्यमा आगामी ३५ दिनभित्र संस्थापक शेयरधनीहरुले बैंकको प्रधान कार्यालयको रजिष्ट्री विभागमा शिलबन्दी पेश गर्नु पर्नेछ । तोकिएको अवधिभित्र संस्थापक शेयरधनीहरुबाट आवेदन नपरेमा गैर संस्थापकहरुलाई उक्त शेयर विक्री गरिने बैंकले जनाएको छ ।
