काठमाडौं । एनआईबिएल समृद्धि फण्ड–१ को प्रस्तावित ३५ प्रतिशत प्रतिफल (नगद लाभांश) वितरण गरेको छ । योजना व्यवस्थापक एनआईबिएल एस क्यापिटलको साउन १४ गतेको बसेको सञ्चालक समितिको बैठकले निर्णय गरेको उक्त प्रतिफल भदौ ९ गतेदेखि वितरण गर्न शुरु गरिएको जनाएको छ ।
क्यापिटलले सम्बन्धित इकाईधनीहरुको बैंक खातामै नगद लाभांश जम्मा गरिदिएको एक सुचना जारी गर्दै जनाएको छ । हालसम्म हितग्राही खातामा बैंक खाता नम्बर अद्यावधिक नगर्ने इकाईधनीहरुलाई यथाशिघ्र अद्यावधिक गराई लाभांश प्राप्त गर्न अनुरोध समेत गरिएको छ ।
साथै आफ्नो इकाई धितो बन्धक राखी कर्जा सुविधा उपभाग गरेका इकाईधनीहरुको नगद लाभांश सम्बन्धीत बैंक तथा वित्तीय संस्थाबाट फुकुवा पत्र प्राप्त भएपश्चात मात्र बैंक खातामा जम्मा गरिने क्यापिटलले बताएको छ ।
