काठमाडौं । नेपाल बंगलादेशक बैंकको मुनाफा ८४ प्रतिशतले बढेको छ । बैंकले गत आर्थिक वर्ष २०७७/७८ मा २ अर्ब २९ करोड रुपैया मुनाफा आर्जन गरेको छ । अघिल्लो आर्थिक वर्षमा बैंकको मुनाफा जम्मा एक अर्ब २४ करोड रुपैयाँ मात्रै थियो । बैंकको खुद व्याज आम्दानी घटेपनि शेयर बजार लगायत अन्य क्षेत्रबाट राम्रो आम्दानी गर्दा मुनाफा बढेको हो । बैंकको अन्य सञ्चालन आम्दानी तथा अन अपरेटिङ इनकममा अत्याधिक सुधार देखिएको छ । यो सँगै बैंकको लाभांस बाँड्न योग्य मुनाफा पनि एक अर्ब ४७ करोड रुपैयाँ छ ।
बैंकले नन अपरेटिङ इनकम मात्रै ५ करोड ४४ लाख रुपैयाँ गरेको छ । त्यस्तै अन्य सञ्चालन आम्दानी पनि २८ करोड ४४ लाख रुपैयाँ रहेको छ । बैंकले यस पटक दोस्रो बजारबाट राम्रो पैसा कमाएको छ । जसले गर्दा नियमित व्यवसाय खुम्चिदा पनि मुनाफा ह्वात्तै बढेको छ । बैंकको खुद व्याज आम्दानी ७.५० प्रतिशतले घटेर २ अर्ब ६३ करोड रुपैयाँ आर्जन गरेको छ ।
यसै अवधिमा बैंकले ८७ अर्ब १२ करोड रुपैयाँ निक्षेप संकलन गरि ६८ अर्ब ४८ करोड रुपैयाँ कर्जा लगानी गरेको छ । यस अवधिमा निक्षेप ३१ प्रतिशतले र कर्जा विस्तार जम्मा १५ प्रतिशतले मात्रै विस्तार हुन सकेको छ । बैंकको खराव कर्जामा केहि सुधार आएको छ । केहि विग्रिएको कर्जा सुधार गर्दा पनि बैंकको मुनाफा बढेको हो ।
बैंकको चुक्ता पूँजी ९ अर्ब रुपैयाँ छ भने जगेडा कोषमा ४ अर्ब ७६ करोड रुपैयाँ छ । वितण योग्य मुनाफाका आधारमा बैंकले १५ प्रतिशत हाराहारी लाभांस विरतण गर्न सक्नेछ । जगेडा कोषमा भएको केहि रकम बोनस शेयर मार्फत लाभांस दिने हो भने यस वर्ष बैंकको लाभांस राम्रो आउन सक्छ । अर्को तर्फ रणनीतिक साझेदारको रुपमा रहेको बंगलादेश बैंक बाहिरिदै छ । यस बैंकले गत आर्थिक वर्ष २०७७/७८ को मुनाफा पनि लिने घोषणा गरिसकेको छ । यसै आधारमा बैंकले आफ्नो शेयर बिक्रीका लागि संस्थापकहरुलाई आह्वान पनि गरिसकेको छ । त्यसैले गर्दा यस वर्ष नेपाल बंगलादेश बैंकलाई अहिलेसम्मको लाभांस वितरण गर्नु पर्ने भएकाले अन्य शेयरधनीहरुले पनि राम्रै लाभांस पाउन सक्छन् ।
