काठमाडौं । एनआईसी एशिया लघुवित्तले गत आर्थिक वर्षको चौथो त्रैमाससम्म वित्तीय विवरण प्रकाशन गरेको छ । संस्थाले यस अवधिसम्ममा ५६ करोड ४७ लाख ६ हजार खुद नाफा गरेको छ । अघिल्लो वर्षभन्दा गत वर्ष २२१ दशमलव ४९ प्रतिशतले खुद नाफा बढाएको छ । अघिल्लो वर्ष यस अवधिमा कम्पनीले १७ करोड ५६ लाख ५४ हजार रुपैयाँ खुद नाफा गरेको थियो ।
कम्पनीको सञ्चालन नाफा पनि अघिल्लो वर्षभन्दा २२९ दशमलव २० प्रतिशतले वृद्धि गरेको छ । अघिल्लो वर्ष २५ करोड ७३ लाख ५९ हजार रुपैयाँ सञ्चालन नाफा गरेको कम्पनीले गत वर्ष ८४ करोड ७२ लाख २१ हजार रुपैयाँ सञ्चालन नाफा गरेको थियो ।
कम्पनीको हाल चुक्ता पूँजी १ अर्ब ७३ करोड ९४ लाख ४० हजार रहेको छ । जगेडा कोष रकम अघिल्लो वर्षभन्दा गत वर्ष २३३ दशमलव ५६ प्रतिशतले बढी छ । समिक्षा अवधिमा कम्पनीको जगेडा कोषमा ९३ करोड ५२ लाख ३२ हजार रुपैयाँ संचिती रहेको छ ।
कम्पनीले यस अवधिमा २ अर्ब ६७ करोड ७९ लाख २० हजार रुपैयाँ निक्षेप संकलन गरेको छ । अघिल्लो आर्थिक वर्षको सोही अवधिको तुलनामा कम्पनीको निक्षेप संकलन १८० दशमलव २४ प्रतिशतले बढी हो । त्यस्तै, १६ अर्ब ८९ करोड १६ लाख ६७ हजार रुपैयाँ कर्जा लगानी गरेको छ । अघिल्लो वर्षभन्दा कर्जा लगानी १४० प्रतिशतले बढी हो ।
अघिल्लो वर्ष शून्य दशमलव ९९ प्रतिशत रहेको निष्क्रिय कर्जा गत वर्ष शून्य दशमलव ९३ प्रतिशत रहेको छ । कम्पनीको वार्षिक प्रतिशेयर आम्दानी ३२ रुपैयाँ ४६ पैसा रहेको छ । प्रतिशत नेटवर्थ १५३ रुपैयाँ ८४ पैसा रहेको छ ।
