काठमाडौं । एनआईबीएल म्युचुअल फण्डद्वारा सञ्चालित एनआईबीएल प्रगति फण्ड र एनआईबीएल समृद्धि फण्ड १ ले नगद लाभांश (प्रतिफल) वितरण प्रयोजनको लागि बुक क्लोज मिति तय गरेका छन् । फण्डले प्रतिफल वितरण प्रयोजनका लागि साउन २९ गते (एक दिन) बुक क्लोज गर्ने भएका हुन् । त्यसैले बुक क्लोजको अघिल्लो दिन अर्थात साउन २८ गतेसम्मका कायम शेयरधनीले मात्र उक्त प्रतिफल प्राप्त गर्न सक्नेछन् ।
एनआईबीएल प्रगति फन्डले ५० प्रतिशत नगद लाभांश (कर सहित) र एनआईबीएल समृद्धि फन्ड–१ ले ३५ प्रतिशत नगद लाभांश (कर सहित) वितरण गर्ने घोषणा गरेको छ । सोही प्रयोजनका लागि योजनाहरुले बुक क्लोजको मिति तय गरेका हुन् ।
