काठमाडौं । गुराँस लाइफ इन्स्योरेन्स कम्पनीले संस्थापक शेयर सर्वसाधारणमा परिणत गर्न नचाहने लगानीकर्ताहरुलाई सात दिनको म्याद दिएको छ । कम्पनीले छैठौ वार्षिक साधारणसभाबाट शेयर संरचाना परिवर्तन गर्ने निर्णय पारित गरेको थियो । सोहि बमोजिम कम्पनीले हाल कायम रहेको शेयर संचरनालाई परिवर्तन गर्दै ६० प्रतिशतमा झार्ने निर्णय गरेको छ ।
हाल संस्थापक समुहको ७० प्रतिशत र सर्वसाधारण समुहको ३० प्रतिशत रहेको छ । अव संस्थापक शेयरधनीको १० प्रतिशत शेयर सर्वसाधारण समुहमा परिणत हुने छ । उक्त १० प्रतिशत शेयर दोस्रो बजारमा सर्वसाधारण समुहको तर्फबाट कारोबार गर्न योग्य हुनेछ ।
यदि कुनै शेयरधनीले संस्थापक समुहको शेयर सर्वसाधारणमा परिणत गर्न नचाहेमा अवको सात दिन भित्र लिखित रुपमा निवेदन दिन सक्ने छन् । कम्पनीले आज सार्वजनिक सूचना जारी गर्दै संस्थापक समुहका शेयरधनीहरुलाई यस्तो निर्देशन दिएको हो । 
7 page.indd
