काठमाडौं । नेपाल राष्ट्र बैंकले २१ अर्ब १० करोड रूपैयाँ बराबरको ट्रेजरी बिल बिक्री गर्ने भएको छ । बैंकले ९१ दिनको अवधिको लागि ११ अर्ब १० करोड रूपैयाँ बराबरको ट्रेजरी बिल बिक्री गर्न लागेको हो ।
उक्त ट्रेजरी बिल २०७८ साल असोज १२ गते परिपक्क हुनेछ । त्यस्तै, बैंकले १८२ दिनको अवधिको लागि १० अर्ब रूपैयाँ बराबरको ट्रेजरी बिल बिक्री गर्न लागेको हो । उक्त ट्रेजरी बिल २०७८ साल पुस १३ गते परिपक्क हुनेछ ।
राष्ट्र बैंकका अनुसार यस ट्रेजरी बिल आज असार १४ गते दिउँसो ३ बजे बोलकबोल भएर भोलि बिक्री हुने राष्ट्र बैंकले जनाएको छ ।
