काठमाडौं । राष्ट्रिय बीमा संस्थानबाट प्रवाह हुने बीमा सेवा तीन दिनका लागि बन्द हुने भएको छ । संस्थानमा नयाँ सफ्टवेयर लागु गर्न लागेको र त्यसको लागि डाटा माइग्रेसन गर्ने कार्य गर्नु पर्ने भएकाले तीन दिन कम्पनीबाट हुने सेवा तथा कारोबार बन्द हुने कम्पनीले एक सुचना जारी गर्दै जनाएको छ ।
कम्पनीले २०७८ असार १६ गते बुधबारदेखि असार १८ गते शुक्रबारसम्म प्रधान कार्यालय तथा सम्पूर्ण शाखा कार्यालयको कारोबार बन्द हुने जनाएको हो । कम्पनीले केही थप जानकारी चाहिएको खण्डमा प्रधान कार्यालयमा सम्पर्क गर्न समेत ग्राहकहरुलाई भनेको छ ।