काठमाडौं । राष्ट्रिय बीमा संस्थानमा कवि प्रसाद पाठकको पुनर्नियुक्ति भएको छ । सोमबार बसेको मन्त्रिपरिषदको बैठकले पाठकलाई कार्यसम्पादन तथा मूल्याङ्कनका आधारमा थप एक कार्यकालको लागि पुनर्नियुक्ती दिएको हो ।
उनको पहिलो कार्यकाल जेठ ६ गते नै सिकएको थियो । कार्यकाल भित्रै पुनर्नियुक्ति नभए पछि संस्थानबाट विदा भएका थिए । तर सरकारले सोमबार उनैलाई पुनर्नियुक्ति दिने निर्णय गरेको हो । पठकले हिजो नियुक्तिपत्र बुझेर आजैदेखि संस्थानमा हाजिर गरेका छन् ।
थपिएको कार्यकालमा लामो समयदेखि थाति रहेको लेखापरिक्षण तथा साधारणसभाको कामलाई चाढो भन्दा चाँढो सम्पन्न गर्ने पाठकले जानकारी दिए । आन्तिरक रुपमा प्रायः सबै काम सकिसकेकोले केहि समय भित्रै लेखापरिक्षण सम्पन्न हुने उनले प्रतिवद्धता व्यक्त गरे ।
लेखापरिक्षण तथा साधारणसभा सम्पन्न भए सँगै जीवन वीमा व्यवसाय थप विस्तारका लागि काम गर्ने उनले योजना बनाएका छन् । सरकारी स्वामित्वको संस्थानलाई थप प्रतिस्पर्धी बनाएर अगाडि बढ्ने पाठकले प्रतिवद्धता व्यक्त गरे ।
राष्ट्रिय बीमा संस्थानका प्रशासक कवि प्रसाद पाठकको कार्यकाल सकियो, यस्तो छ प्रगति विवरण
