काठमाडौं । मुक्तिनाथ विकास बैंकले आफ्ना सबै कार्यालयको स्थान पहिचान गर्न सहज होस् भन्ने उद्देश्यले गुगलप्लस कोड सार्वजनिक गरेको छ । यस कोड गुगल नक्सामा टाइप गरे सो कार्यालय रहेको स्थान सजिलै पहिचान गर्न सकिने बैंकले जनाएको छ ।
मुक्तिनाथ यस्तो कोड अद्यावधिक गर्ने नेपालको पहिलो बैंक हो । गुगलप्लस कोडले गुगल नक्सामा आधारित जीपीएस प्रणालीले स्थान जनाउने बैंकले बताएको छ । कोडको प्रयोगले खोजेको स्थानको ढोकासम्मै पुग्न सकिनेछ ।
यस कोड सम्बन्धित कार्यालयमा फोन गरेर वा बैंकको वेबसाइटमा शाखाको विवरण रहेको स्थानमा हरेक शाखाका कोड उपलब्ध गराइएको बैंकले जनाएको छ ।
यस व्यवस्थाले बैंकको कार्यालयसम्म पुग्न चाहनेलाई थप सहज हुने विश्वास बैंकले लिएको छ ।
