बीमा व्यवसाय अभिकर्तामा आधारित हुन्छ । व्यक्तिगत रुपमा तथा संस्थागत रुपमा पनि अभिकर्ता लाईसेन्स लिन सकिन्छ । कुनै पनि संगठित संस्थाले संस्थागत अभिकर्ता भएर बीमा कम्पनीको बीमा योजना विक्री गर्न पाउँछ । अहिले बैक तथा वित्तिय संस्थाहरुले बीमा कम्पनीहरुको संस्थागत अभिकर्ताको रुपमा लाईसेन्स लिएर काम गर्न थालेका छन् । तर, कम्पनीरुले बैंकास्योरेन्स सम्झौता भएको प्रचार प्रसार गरेका छन् ।
संस्थागत अभिकर्ता र बैंकास्योरेन्स फरक बिषय हुन् । संस्थागत अभिकर्ताले बीमा कम्पनीको पोलिसी विक्री गर्न पाउँछ । तर, बाँकी सबै जिम्मेवारी बीमा कम्पनीको नै हुन्छ । तर, बैंकास्योरेन्समा बैंकले निश्चित रकम सम्मको बीमा पोलिसी र दाबी भुक्तानी गर्ने अधिकार पनि पाएको हुन्छ । तर, नेपालमा हालसम्म बैंकास्योरन्स सम्बन्धी नीतिगत व्यवस्था भने भएको छैन ।
तर, कम्पनीहरुले गलत प्रचार गर्दा सेवाग्राहीहरु भ्रममा परेका छन् ।
