काठमाडौं । साताको पहिलो कारोबार दिन आज आइतवार सुनको मूल्य बढेको छ । अघिल्लो कारोबार दिनको तुलनामा सुनको मुल्य २ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आइतवार छापावाला सुन प्रतितोला ९४ हजारमा कारोबार भएको छ । तेजाबी सुन प्रतितोला ९३ हजार ५ सय रुपैयाँमा कारोबार भएको छ ।
यस्तै, आइतवार चाँदीको मूल्य पनि बढेको छ । शुक्रवार प्रतितोला १ हजार ३५० रुपैयाँमा कारोबार भएको चाँदी आइतवार १ हजार ३५५ रुपैयाँमा खरीदविक्री भइरहेको छ ।
